உனக்குள் ஒன்றுண்டு

உனக்குள் ஒன்றுண்டு இதை
உணர்வாய் நீ நன்று
உனக்குள் உள்ள ஒன்றே இந்த
உலகில் எங்குமுண்டு


சத்தியம் என்றிதனைச்
சான்றோர் சொன்னதுண்டு
நித்திய வாழ்வுண்மை இதை
நீதான் அறிந்துணர்வாய்

கண்டவர் விண்டிலரே இது

கற்பனை இல்லை தம்பி
மீண்டவர் வந்துலகில் இதன்
விபரங்கள் சொன்னதுண்டு

கடவுள் என்றொருவர் தனியே
காட்சி கொடுப்பதில்லை
கடவுள் நமக்குள் உண்டு இதைக்
காண்பார் நம்மில் இல்லை.

உள்ளொளி காண்பாயே தம்பி
உயர்வு உனக்கு உண்டு
வெள்ளம் போல் வருமே தம்பி
வெற்றி மேல் வெற்றி

உனக்குள் உள்ள ஒன்றை நீ
உணர வேண்டும் தம்பி
தன்னை அறிந்தவரே இந்தத்
தரணி போற்ற வல்லார்

முதிசம் நமக்குண்டு இது
மூத்தோர் சொன்ன மொழி
கவசம் அதைப் பணிந்து நாம்
காண்போம் புது வாழ்வு.

வே.தங்கராசா

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....