எங்கள் ஆசான்

எங்கள் ஆசான் இனியவர்
எதற்கும் அஞ்சா நெஞ்சினர்
கண்கள் போலும் கல்வியைக்
கற்றுத் தரும் பண்பினர்


அறிவுக் கண்ணைத் திறந்திட
ஆர்வமுடன் உழைப்பவர்
நெறிகள் சொல்லித் தருபவர்
நினைவில் என்றும் நிறைந்தவர்.

கதைகள் மூலம் கல்வியைக்
கற்றுத் தரும் இயல்பினர்
புதையல் போன்ற கல்வியை
புகட்டி எம்மைக் காப்பவர்

ஒழுக்கம் சொல்லித் தருபவர்
உயிர் போலதனைக் கொள்பவர்
பழக்கம் நல்ல கற்றுத்தந்து
பார் புகழச் செய்பவர்

அன்பில் சிறந்த அன்னையர்
ஆற்றல் மிக்க தந்தையர்
பண்பில் சிறந்த சான்றோராய்ப்
 பலரும் போற்றும் பண்பினர்.

எண்ணும் எழுத்தும் அறிந்திட
எமக்கு உதவும் ஆசானை
கண்போல் நாமும் போற்றுவோம்
கடவுள் என்றே வாழ்த்துவோம்.

வே.தங்கராசா

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....