வேளை தோறும் பண்புகள்

பாலர் நாங்கள் கூடி நின்று

பாடிப் பாடி ஆடுவோம்
தோழர் ஒன்றாய்க் கூடுவோம்
சுறு சுறுப்பாய் ஓடுவோம்


தேவை நமக்கு உடல் நலம்
தினமும் அதனைப் பேணணும்
பாவை போலச் சுழன்று ஆடிப்
பரவசமும் அடையணும்

காலை நேரம் எழுந்ததும்
கடவுள் நாமம் சொல்லுவோம்
மாலை முழுதும் விளையாடி
மகிழ்ச்சியோடு வாழுவோம்

அன்னை பிதா தெய்வமாம்
ஆசிரியரும் தெய்வமாம்
எம்மைக் காக்கும் தெய்வத்தை
என்றும் தொழுது போற்றுவோம்

நாளை உலக நாயகர்
நாங்கள் என்று சொல்லுவோம்
வேளை தோறும் பண்புகள்
வேண்டிக் கற்று உயருவோம்

வே.தங்கராசா

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....