Thursday, November 27, 2008

வாழ்க்கையில் வாகனங்கள்

சமூகம்

வாகன நெரிசலுக்குள்
தொலைந்துபோய்விடுகிறது- வாழ்க்கை
பயன் தரும் வேலைகளைவிட – அதற்குப்
பயணப்படும் நேரங்களே – நாளில்
அதிகமிருப்பதாய்ப்படுகிறது.

Thursday, November 20, 2008

திருகோணமலை, ஸ்ரீ பத்திரகாளி அம்பாள் ஆலயம்,இலங்கை..

திருமலை
ஸ்ரீ பத்திரகாளி அம்பாள் ஆலயம் திருகோணமலை நகரின் மையப்பகுதியில், பேரூந்து தரிப்பிடத்துக்கு மிக அருகாமையிலும் திருகோணமலை புகையிரத நிலையத்திலிருந்து ஒரு கிலோமீற்றர் தூரத்திலும் அமைந்துள்ளது.

Saturday, November 15, 2008

மூத்த எழுத்தாளர் தம்பலகாமம் க.வேலாயுதம் பொன்னாடை போர்த்திக் கௌரவிப்பு...

 திருமலை தம்பலகாமம் குளக்கோட்டன் வித்தியாலயத்தில் அமைந்துள்ள அருள்மிகு ஞானவிநாயகர் ஆலயத்தில் பொங்கல்விழா மிகச்சிறப்பாக நடைபெற்றது.

Sunday, November 02, 2008

தமிழ்மண நட்சத்திரவாரம் - ஒரு மீள்பார்வை

நட்சத்திரம்
கடந்த வாரம் ஜீவநதி வலைப்பூவினை தனது இந்தவார நட்சத்திரமாக ஏற்றுச் சிறப்பித்த தமிழ்மணத்திற்கும், தமிழ்மண நிர்வாகிகளுக்கும் எனது மனமார்ந்த நன்றிகள்.

ஆரம்பித்து 80 நாட்களை இன்றுடன் பூர்த்தி செய்யும் ஒரு வலைப்பூவிற்கு இப்படியொரு அறிமுகம் கிடைத்திருப்பது மனமகிழ்வைத் தருகிறது. வலையேற்றிவைத்த எண்ணங்களை சகபதிவர்களுடனும் வலைப்பூ வருகையாளர்களிடமும் பகிர்ந்துகொள்வதில் தன் சிறப்பான பங்கினை வகித்திருக்கிறது இந்த தமிழ்மண நட்சத்திரவாரம்.
.
வருகைகள்
நட்சத்திரம்
திகதி


.
மேலே காட்டப்பட்டிருப்பது ஜீவநதி வலைப்பூக்கான வருகைகள் பற்றிய கணிப்பீடு. {தமிழ்மண நட்சத்திர வாரம் 27இருந்து 2 வரை}

{நன்றி Histats.com }
நீலநிற வரைபு - Page views
மஞ்சள்நிற வரைபு - Visitors
கபிலநிற வரைபு - new visitors

இந்த நட்சத்திரவாரத்தில் சகபதிவர்களும், வலைப்பூ வருகையாளர்களும் எனது பதிவுகளுக்குத் தந்த வரவேற்பும், மறுமொழிகளும் சந்தோசத்தையும் தொடர்ந்து எழுதுவதற்கான உற்சாகத்தையும் தந்தது.
எனவே தொடர்ந்து வரும் நாட்களிலும் இதே உற்சாகத்தோடு ஜீவநதி உங்கள் வலைநாடி வரும் என்ற நம்பிக்கையுடன் விடைபெறுகிறேன். வணக்கம்....
த.ஜீவராஜ்

மீண்டும் சந்திப்போம்

கவிதை யாழ் மருத்துவ பீட 'MEDICOS' NITE ' இதழுக்காக  எழுதியது மாற்றம் ஏதுமில்லாமல் பகிர்தலுக்காக.................


வெள்ளைக் கட்டடத்திற்கு
விடைகொடுக்கும் நாளின்று
விழாமுடியும்வரை
விளங்கப்போவதில்லை
பிரிதலின் பெறுமதி

நாளையவிடியலில்
நாற்திசையாய் நண்பர்கள்பிரிய
மெல்லமாய் வெறுமை
கள்ளமாய் உள்னுழையும்
ஆறுவருட பந்தமென்பதொன்றும்
அற்பமானதல்லவே

நினைக்கையில்
நேற்றுப்போல் இருக்கும்
வாசற்படி தொழுது
வரவேற்கப்பட்ட முதல்நாள்
காலச்சக்கரம் கனகதியில்
சூழல்கிறது

விடைபெற்றபின்னும்
மீளவும் வரலாம்
விரிவுரையாளனாக
விருந்தினராக மற்றும் பலவாக
முடியாததொன்றுதான்
மறுபடியும் மாணவனாக

உறவுகளில் விசித்திரம்
“நட்பு”
உருவாதல்மிகஎளிது
அதுபோலவே உடைதலும்

நினைவு தெரிந்தநாளிலிருந்து
நீடுகொண்டேயிருக்கும்
நண்பர்கள் பட்டியலில்
நல்லதோர் இடம் நிட்சயம்
இங்கும் இருக்கும்

பிரிவுஎன்பதொன்றும்
வேரோடுறவைப்
பிடுங்கிச் செல்வதல்லவே
உணர்வுகளைப் பங்கு
பிரித்துச்செல்வது


உள்ளகப் பயிற்சி தொடங்கி
உறவுகள் புதிதாய் மலர்ந்து
உலகத்து நடைமுறைவாழ்வில்
நமைத்தொலைத்து
உருமாறிப் போய்விடும் - ஓர்
நாளில் வரும்
நண்பனின் சந்திப்பு
ஞாபகங்களைத் தாலாட்டும்
நடப்பு வயதினைக் குறைத்து
நம்மைச் சிலிர்ப்பூட்டும்
நம்பிக்கை தரும்
வாழ்வின் வடுக்களை
மறைக்கும்

ஆதலால்
நல்லனவற்றோடு பிரிவோம்
அல்லாதனவற்றை மறப்போம்
மறுபடியும் மீண்டும் சந்திப்போம்
2005.
த.ஜீவராஜ்